රහසක් රැගත් තරුවක්
Sept. 5, 2012

ඔබ දැන් සිටින කාමරය වටා වරක් බලන්න. විවිද වර්ණ හා ද්‍රව්‍ය වලින් සෑදුනු නොයෙක් දෑ ඔබ වටා තිබෙන්නට හැක. නමුත් මේ සියල්ල සෑදී ඇත්තේ එකම ද්‍රව්‍ය කාණ්ඩයකිනි. එනම් රසායනික මූලද්‍රව්‍ය වලිනුයි.

ඔබ දැනටමත් මෙම මූලද්‍රව්‍ය සමහරක නම් දන්නවා විය හැක. සම්පූර්ණ මූලද්‍රව්‍ය ගණන 118ක් වන අතර, රත්රන්, ඔක්සිජන් හා තඹ ඉන් සමහරක්. මින් අදහස් වන්නේ ඔබේ කාමරය අවට ඇති  සියලු දේ  හා පෘථිවියේ දක්නට ඇති සියලු දේ, මෙම මූලද්‍රව්‍ය සමහරක් යම් ප්‍රමාණවලට එක්වීමෙන් සෑදී ඇති බවයි.

මෙය අභ්‍යවකාශයේත් එසේමය. එහි අමතර මූලද්‍රව්‍ය තිබෙන්නට හැකි වුවත්, තාරකා විද්‍යාඥයින් තවමත් දන්නේ මූලද්‍රව්‍ය 118ක් ගැන පමණී.

බොහෝ මූලද්‍රව්‍ය සෑදිය හැක්කේ තාරකා තුල පමණය. පැරණි තාරකා පුපුරා යාමේදී මෙම මූලද්‍රව්‍ය අභ්‍යවකාශයට මුසුවේ. සෑම නව තාරකා පරම්පරාවකම තාරකා බිහිවීමේදී, පෙර තාරකා වලට වඩා වැඩි මූලද්‍රව්‍ය ගණනක් නව තාරකා වල අඩංගු වේ.

එනම් ඉහත තාරකා පොකුරේ ඇති තාරකා වැනි පැරණි තාරකාවල, එකිනෙකට වෙනස් මූලද්‍රව්‍ය විශාල ප්‍රමාණයක් නැත. ඒවායේ බොහෝවිට ඇත්තේ, හයිඩ්‍රජන් හා හීලියම් පමණී. නමුත් නව සොයාගැනීමකට අනුව ඉහත පොකුරේ එක් විශේෂ තාරකාවක ලිතියම් නම් මූලද්‍රව්‍යය විශාල ප්‍රමාණයෙන් ඇත. මෙම මූලද්‍රව්‍යය එහි කෙසේ හටගත්තේදැයි තාරකා විද්‍යාඥයින් තවමත් සොයාගෙන නැත.    

ඔබ දන්නවාද? නව රසායනික මූලද්‍රව්‍ය තවමත් සොයාගනිමින් පවතී. නවතම මූලද්‍රව්‍ය සොයාගැනීම වන්නේ "ununseptium" නම් 2010 දී සොයාගත් මූලද්‍රව්‍යය යි.

ඔබේ දැනුමට
None
This Space Scoop is based on a Press Release from ESO.
ESO

Universe Awareness Sri Lanka

රූපය
මුද්‍රණ පිටපත
තවත් Space Scoop ලිපි

වැඩිදුර තොරතුරු

Space Scoop යනු කුමක්ද?

තාරකා විද්‍යාව ගැන තවදුරටත්

අභ්‍යවකාශ ගවේෂණයේ මීළග පරපුරේ ප්‍රගමනයට

Space Scoop මිතුරෝ

අපව අමතන්න

This website was produced by funding from the European Community's Horizon 2020 Programme under grant agreement n° 821832