තාරකා පිල්ලි සහ සෞර ග්‍රහ මණ්ඩලයේ ඉරණම
Nov. 17, 2015

මෙම වසරේ හැලෝවීන් සැමරුම නිමා වෙමින් පැවතුනත් විශ්වයේ පවතින සැබවින්ම බිය විය යුතු තාරකා පිල්ලියක් ගැන කියන්නයි මේ සුදානම.

ඉහත සේයාරුවේ දකින්නට ලැබෙන්නේ මරණයෙන් පිබිදුන තරුවක්. ඒ වගේම එය සිටින්නේ කුසගින්නේ!

අපගේ සුර්යා වැනි තාරකා සිය ඉන්ධන සියල්ල වැය කිරීමෙන් අනතුරුව තම ජීවිතයේ අවසානය කරා ලඟා වනවා. අදාල තරුව ක්‍රමයෙන් ප්‍රසාරණය වීම හා පැහැය වඩාත් රතු පැහැයට හුරු වීම මගින් මෙය අපට බාහිරව නිරීක්ෂණය කල හැකියි.

ඉන්පසු ප්‍රසාරණය වූ තාරකාවේ බාහිර ස්ථර අභ්‍යවකාශයට විසිරී යනවා.

නමුත් වඩාත් උණුසුමින් යුක්ත තාරකාවේ සම්පින්ඩිත හරය තවදුරටත් පවතිනවා. එය සුදු වාමන තරුවක් ලෙස හඳුන්වනු ලබනවා. (එහි පැහැය හා ප්‍රමාණය සැලකීමෙන්)

එහිදී තරුව වටා පැවති ග්‍රහලෝක වලට කුමක් සිදුවේද? ඒවා උෂ්ණත්වය හමුවේ විනාශ නොවී පැවතුනොත් කුමක් සිදුවේද?

සුදු වාමන තරුවක් වටා පරිබ්‍රමණය වන ද්‍රව්‍යක් වඩාත් ආසන්නයට ගමන් කල හොත් සිදුවන්නේ කුමක්ද යන්න තාරක විද්‍යාඥයන් විසින් ප්‍රථම වරට නිරීක්ෂණය කර තිබෙනවා. එම ද්‍රව්‍ය වල ඉරණම නම් එතරම් ප්‍රියජනක නැහැ.  

මියගිය තරුවකට ඉතා සමීපයෙන් ගමන් කල ඇස්ටරොයිඩයකට සිදුවී ඇත්තේ එම තාරකාවේ ආහාරයක් බවට පත් වන්නටයි.

ඉහත සේයාරුවේ වලයාකාර ලෙස තාරකාව වටා ඉතිරිව ඇත්තේ සුනුවිසුණු වී ගිය අස්ටරොයිඩයේ ඉතිරි කොටස්. නමුත් සෙනසුරුට සමාන මෙම වළලු ඉතා අලංකාර ලෙස දිස් වනවා. ඇතැම් විට නව පෙනුමට ඇස්ටරොයිඩය කැමති වීමටත් ඉඩ තිබෙනවා. 

ඔබේ දැනුමට

මෙම නිරීක්ෂණය තුලින් අපේ සෞරග්‍රහ මණ්ඩලයේ ඉරණම ගැනත් ඉඟි ලබා දෙනවා. නමුත් වාසනාවකට මෙන් දිවි ගලවා ගැනීම සැලසුම් කරගැනීමට අපට වසර බිලියන හතක පමණ කාලයක් ඉතිරිව පවතිනවා. 

This Space Scoop is based on a Press Release from ESO.
ESO

Translated by Janith Weerasinghe, Foundation of Astronomical Studies & Exploration for Universe Awareness Sri Lanka

රූපය
මුද්‍රණ පිටපත
තවත් Space Scoop ලිපි

වැඩිදුර තොරතුරු

Space Scoop යනු කුමක්ද?

තාරකා විද්‍යාව ගැන තවදුරටත්

අභ්‍යවකාශ ගවේෂණයේ මීළග පරපුරේ ප්‍රගමනයට

Space Scoop මිතුරෝ

අපව අමතන්න

This website was produced by funding from the European Community's Horizon 2020 Programme under grant agreement n° 638653