Le Hubble are qas naj uxo’l ucholajil kaj
March 15, 2016

Le Ucholajil kaj xumajij ruk’ jun Big Bang jewa’ 14 millones junab’. Ronojel le uwachulew k’o chi upam jun nitz’ wopowik, miles rech millones qas nitz’ na chi uwach ujolom jun nitz’ upam b’aq’. Xaq k’u k’ate’  le ucholajil kaj xumajij le uk’aslemal.

Man xnajtin ta jun alaj kajb’al are taq le ucholajil kaj xk’iyik, man nitz’ ta chik, xa ne jun nim ucholajil kaj chik. K’a ktajin kk’iyik. Le ucholajil kaj k’a ktajin knimarik pa taq we q’ij saq.

Jewa' k'i chi junab', jun achi ubí' Edwin Hubble xrilo' xuquje' xusik' rij chi le galaxias le k'a naj k'o wi chi qech are kaq le kaka'yik. Le ub'i' we jastaq ri' are silab'em on qib'em pa kaq (redshift pa inglés). Le utzuk'linem are kaq xa rumal chi sib'alaj aninaq b'enaq. ¡xuquje' le k'a naj k'o wi are la' le aninaq kasilab'ik!

Ruk' ukojik le usolik uxe' pacha' rech Hubble (¡ chi'l le telescopio jewa' ub'i'!), le e nik'ol uwakaj k'ate xe q'ax chi uwach le riqitajnaq kanoq rech unajal pa le uwakaj ¡ruk' retaxik le unajal k'o wi le galaxia le ilitajnaq pa we uwachulew!

Le k'ak' galaxia kariqitaj pa 13 millones junab' rech saqil, ¡150 millones junab' rech saqil, sib'alaj naj chi uwach le ub'anom kanoq! Le saqil kaqil kamik rech we galaxia katajin kab'yaj pa le k'olib'al kape quk' are taq le uwachulew k'o xa 400 millones ujunab', are taq k'amaja' k'i le ch'umil.

Ajawatal juq'attzij

Le galaxia sib'alaj nitz' ruk' le qagalaxia, le Vía Láctea. Xa k'u nitz' xuquje' k'o uchuq'ab': ¡chi upam wa' ka'lax 20 mul taq ch'umil chi uwach le Vía Láctea!

This Space Scoop is based on a Press Release from Hubble Space Telescope.
Hubble Space Telescope

Elena Tambriz, Luis Jaminez, Ricardo Guarcha

Wachib'al
Okib'al rech Man k'ax ta utz'ajtz'ib'axik
Nik'aj chi Space Scoops

¿K'o kawaj kaweta'maj na? chaweta'maj nik'aj chik...

¿Jas uwach ri' Space Scoop?

Chariqa' nik'aj chik Unik'oxik uwakaj

Uk'utik chi kiwach k'ak' taq nik'ol uwakaj

Achi'il rech Space Scoop

Chojach'ab'ej

We uxaq web' xwinaqirisax rumal le cholb'al chak rech le Wokaj rech Europa Horizon 2020, ruk' le uwujil uk'amik chak rech tob'anem n° 638653.