Heiðskírar nætur á risajörð
12. júní 2013

Það er auðvelt að vera góðu vanur í lífinu... sérstaklega því sem við sjáum ekki. Í dag ætlum við að velta fyrir okkur hversu heppin við erum að reikistjarnan okkar hafi ósýnilegan hjúp: Lofthjúp!

Lofthjúpur Jarðar er úr gasi sem umlykur reikistjörnuna okkar eins og teppi. Lofthjúpurinn heldur hitastiginu á yfirborðinu nokkuð notalegu og kemur í veg fyrir að við frjósum í hel á næturnar og stiknum úr hita á daginn. Lofthjúpurinn virkar líka eins og verndarhjúpur sem gleypir hættulega geisla frá sólinni og öðrum fyrirbærum í geimnum áður en þeir ná til okkar! Þökk sé lfthjúpnum er lífvænlegt á Jörðinni.

Reikistjörnur fyrir utan sólkerfið okkar hafa líka lofthjúpa. Stjörnufræðingar í Japan hafa rannsakað lofthjúp reikistjörnu á braut um fjarlæga stjörnu. Reikistjarnan er fjórum sinnum stærri en Jörðin og kallast því risajörð (þarf samt ekkert að líkjast jörðinni neitt). Athuganirnar sýndu að þótt reikistjarna hefði ótrúlega þykkan lofthjúp, 200.000 sinnum þykkari en Jörðin, eru ekki sérlega mikið um ský í honum. Sumir yrðu eflaust mjög ánægðir með það!

Fróðleg staðreynd

Engin raunveruleg mörk skilja milli lofthjúpsins og himingeimsins. Lofthjúpurinn verður aðeins sífellt þynnri eftir því sem ofar dregur. Menn hafa samt ákveðið að draga ímyndaða línu í 100 km hæð og allt sem er fyrir ofan það er í geimnum. Við köllum þessi mörk Kármán línu. Menn geta hins vegar aðeins dregið andann upp í um það bil 9 km hæð.

This Space Scoop is based on a Press Release from NAOJ.
NAOJ

Þýðing: Sævar Helgi Bragason/Stjörnufræðivefurinn

Mynd
Prentvæn útgáfa
Fleiri Space Scoops

Enn forvitin(n)? Lærðu meira...

Hvað er Space Scoop?

Lærðu meira um stjörnufræði

Veitir næstu kynslóð geimkönnuða innblástur

Vinir Space Scoop

Hafðu samband

This website was produced by funding from the European Community's Horizon 2020 Programme under grant agreement n° 821832