Hringdi einhver í Draugabanana?
9. janúar 2013

Margt fólk víða um heim trúir því að draugar séu til og segjast sumir meira að segja hafa séð drauga. Þú getur nú talið sjálfa(n) þig þeirra á meðal! Þessi draugalega mynd sýnir nefnilega massamikla stjörnu í framhaldslífi sínu. Segja mætti að hún sé „draugastjarna.“

Stór stjarna endar ævi sína þegar eldsneytið hennar er uppurið. Á þeim tímapunkti þjóta ytri lög hennar út í geiminn í gríðarmikilli sprengingu og kjarninn hrynur inn í sjálfan sig. Lögin sem þjóta burt mynda litrík og glæsileg ský (eins og þetta) en það er í kjarnanum sem hlutirnir verða sérstaklega forvitnilegir. Þessi draugalega ljósmynd er einmitt af þéttum kjarna massamikllar stjörnu eftir að hún sprakk.

Á meðan ytri lögin skjótast burt fellur kjarninn saman. Efni sem dugir í sól eins og okkar (og fleiri) þjappast saman í svæði sem er minna en höfuðborgarsvæðið! Þá hefur kjarninn framhaldslíf sitt sem ný tegund stjörnu. Á myndinni hefur kjarninn endurfæðst sem „tifstjarna“. Það er stjarna sem snýst á ógnarhraða — jafnvel hraðar en þyrluspaðar! Þegar stjarnan snýst, gefur hún frá sér efnisstrók. Sérðu hvar hann liggur á ská upp á við á myndinni?

Smelltu hér til að sjá tifstjörnuna snúast!

Fróðleg staðreynd

Tifstjörnur hafa einstaklega sterkt segulsvið. Ef þú stæðir á yfirborði tifstjörnu værirðu tveimur milljón milljarðs sinnum þyngri en á jörðinni!

This Space Scoop is based on a Press Release from Chandra X-ray Observatory.
Chandra X-ray Observatory

Þýðing: Sævar Helgi Bragason/Stjörnufræðivefurinn

Mynd
Prentvæn útgáfa
Fleiri Space Scoops

Enn forvitin(n)? Lærðu meira...

Hvað er Space Scoop?

Lærðu meira um stjörnufræði

Veitir næstu kynslóð geimkönnuða innblástur

Vinir Space Scoop

Hafðu samband

This website was produced by funding from the European Community's Horizon 2020 Programme under grant agreement n° 638653