Hvers vegna er himininn dimmur á næturnar?
15. ágúst 2012

Stundum hjálpa einfaldar spurningar vísindamönnum að skilja dýpstu leyndardóma alheimsins.

Af hverju er himininn til að mynda dimmur á næturnar? Svarið virðist liggja í augum uppi en eitt sinn klóruðu stjörnufræðingar sér í kollinum yfir henni. Þeir vissu að helmingur jarðar snýr frá sólinni á næturnar en þeir héldu hins vegar líka að alheimurinn væri endalaus — að hann væri óendanlega stór. Ef alheimurinn væri óendanlegur sæjustu stjörnur á hverjum einasta bletti á næturhimninum og þá væri næturhimininn bjartur!

Til að átta sig betur á því hvers vegna við sæjum stjörnur út um allt á himninum ef alheimurinn væri óendanlega stór, skaltu ímynda þér að þú stæðir í miðju þétts skógar. Ef þú snýrð þér við og gengur af stað í einhverja átt yrði tré alltaf á vegi þínum, sama í hvaða átt þú færir, ef sógurinn er óendanlega stór. Tréð gæti verið óralangt í burtu en það væri einkennilegt ef ekkert tré yrði leið þinni.

En snúum okkur aftur að næturhimninum. Stjörnufræðingar töldu eitt sinn að stór rykský eins og það sem sést á þessari nýju ljósmynd, gæti skyggt á nægilega margar stjörnur til þess að himininn væri dimmur á næturnar. Svo er þó ekki og stjörnufræðingar vita nú að alheimurinn er ekki óendanlega stór. Þess vegna er næturhimininn dimmur.

Boðskapur sögunnar er þessi: Þú skalt aldrei vera hrædd(ur) við að rétta upp hendina og spyrja spurninga. Heimskulegar spurningar eru ekki til! Góður vísindamaður spyr stöðugt spurninga um heiminn í kringum okkur.

Hefur þú einhverja spurningu: Á Stjörnufræðivefnum getur þú spurt okkur spurninga um alheiminn.

Fróðleg staðreynd
None
This Space Scoop is based on a Press Release from ESO.
ESO

Þýðing: Sævar Helgi Bragason/Stjörnufræðivefurinn

Mynd
Prentvæn útgáfa
Fleiri Space Scoops

Enn forvitin(n)? Lærðu meira...

Hvað er Space Scoop?

Lærðu meira um stjörnufræði

Veitir næstu kynslóð geimkönnuða innblástur

Vinir Space Scoop

Hafðu samband

This website was produced by funding from the European Community's Horizon 2020 Programme under grant agreement n° 638653