Að losna út úr geimskel
15. maí 2012

Þegar sprengja springur í kvikmyndum, kastast hetjurnar og óþokkarnir burt frá sprengingunni vegna öflugrar höggbylgju sem fylgir henni. Þegar stjarna springur í geimnum verður líka til höggbylgja en í stað kvikmyndastjarna, kastast gas og ryk út á við.

Áður en stjörnur springa varpa þær frá sér ytri lögum sínum sem eru úr gasi og ryki. Þegar stjarnan síðan springur gleypa þessar gas- og rykskeljar höggbylgjuna sem svo aftur hitna gríðarlega. Þá verður til röntgengeislun sem stjörnufræðingar geta ljósmyndað með sérstökum geimsjónaukum og sjá má á nýju myndinni hér að ofan.

Stjörnufræðingar tóku tvær myndir af þessu glóandi gas- og rykskýi með eins árs millibili. Þegar stjörnufræðingarnir bera ljósmyndirnar saman telja þeir sig sjá að höggbylgjan sé að losna úr skýinu. Þetta er í fyrsta sinn sem við sjáum höggbylgju losna úr gas- og rykhjúpi í röntgenljósi.

Fróðleg staðreynd

Höggbylgjan frá sprengistjörnunni hefur hitað gasið á myndinni upp í 100.000.000°C!

This Space Scoop is based on a Press Release from Chandra X-ray Observatory.
Chandra X-ray Observatory

Þýðing: Sævar Helgi Bragason/Stjörnufræðivefurinn

Mynd
Prentvæn útgáfa
Fleiri Space Scoops

Enn forvitin(n)? Lærðu meira...

Hvað er Space Scoop?

Lærðu meira um stjörnufræði

Veitir næstu kynslóð geimkönnuða innblástur

Vinir Space Scoop

Hafðu samband

This website was produced by funding from the European Community's Horizon 2020 Programme under grant agreement n° 638653