Ævintýri í geimnum
2. maí 2012

„Spegill, spegill herm þú mér, hver í heimi fegurst er?“ spurði stjarnan þegar hún sá ljósið sitt speglast af rykkornum í geimnum. Það kom henni á óvart þegar hún heyrði svarið: „Þessi rykský!“

Stjörnur geta vitaskuld ekki talað en þessi rykský eru fallegri en stjörnurnar sem lýsa þau upp. Þau eru kölluð endurskinsþokur vegna þess að þær endurvarpa ljósinu frá nálægum stjörnum.

Á myndinni er endurspeglaða ljósið blátt og hvítt. Rykið gefur líka frá sér eigið ljós sem sýnt er appelsínugult á myndinni. Appelsínugulu svæðin sýna hvar rykið hefur hlaupið í kekki.

Augu okkar geta ekki greint jafn orkulítið ljós og það sem frá rykinu berst en sérstakur sjónauki sem heitir APEX getur það. Án APEX sæju stjörnufræðingar ekkert þar sem þessir rykkekkir eru — einungis dimm ský sem birgja okkur sýn á hvaðeina sem á bakvið liggur.

Mjög mikilvægt er fyrir stjörnufræðinga að geta séð svona svæði, því í þessum gas- og rykskýjum fæðast nýjar stjörnur.

Fróðleg staðreynd

APEX sjónaukinn er í eyðimörk í Suður Ameríku sem er 5.100 metra yfir sjávarmáli!

This Space Scoop is based on a Press Release from ESO.
ESO

Þýðing: Sævar Helgi Bragason/Stjörnufræðivefurinn

Mynd
Prentvæn útgáfa
Fleiri Space Scoops

Enn forvitin(n)? Lærðu meira...

Hvað er Space Scoop?

Lærðu meira um stjörnufræði

Veitir næstu kynslóð geimkönnuða innblástur

Vinir Space Scoop

Hafðu samband

This website was produced by funding from the European Community's Horizon 2020 Programme under grant agreement n° 638653